IHM

Kvikmyndaleikstjórum gefst kostur á að sækja um bætur úr IHM-sjóði fyrir verk sýnd í innlendu sjónvarpi eða á innlendu VOD árið 2024.

Úthlutunarreglur SKL má finna hér fyrir neðan.

• Athugið að einungis þarf að sækja um fyrir verk sem voru sýnd á árinu 2024 og verk sem voru frumsýnd árið 2024 og munu því bætast í gagnagrunn félaga okkar. Eldri verk sem eru gjaldgeng til tilvistargjalds eru í gagnagrunni félagsins.
• Greitt er fyrir sýningu á verkum sem eru sýnd og aðgengileg í innlendu sjónvarpi eða VOD á umsóknarári. Um eingreiðslu er að ræða, enda er ekki greitt fyrir endursýningar á umræddu ári. Sjá nánar í úthlutunarreglum.
• Auk þess er greitt eitt gjald fyrir hverja íslenska leikna kvikmynd eða heimildakvikmynd. Um er að ræða eins konar „tilvistargjald“ þessara verka. Tilvistargjald er greitt samkvæmt upplýsingum úr gagnagrunni.
• Athugið að sjónvarpsefni t.a.m. frétta-, íþrótta- eða dægumálaefni telst ekki til kvikmyndaverka.
• ATH! Stuttmyndir eru gjaldgengar til tilvistargjalds hafi þær verið sýndar á þremur viðurkenndum alþjóðlegum kvikmyndahátíðum. Tilgreina skal a.m.k. þrjár hátíðir ef óskað er eftir tilvistargjaldi fyrir stuttmyndir.
• Félagsgjöld SKL (kr. 25 000) verða dregin af heildarupphæð þeirrar greiðslu sem er til útborgunar.

Fyrirspurnir berist á icelandicdirectors@gmail.com.

Hér að neðan eru tvö umsóknarform, vinsamlega kynnið ykkur vel forsendurnar áður en byrjað er að fylla þau inn. 

Skilafrestur:  20. júní 2025

UMSÓKN – fyrir verk sýnd á árinu 2024 (sem eru þegar til í gagnagrunni)

UMSÓKN – fyrir verk sem voru frumsýnd á árinu 2024 (nýskráning í gagnagrunn)

ÚTHLUTUNARREGLUR FYRIR IHM GREIÐSLUR

Úthlutunarreglur þessar eru settar skv. fyrirmælum höfundarlaga nr. 73/1972 og laga nr. 88/2019 og með stoð í 2. gr. úthlutunarstefnu samtakanna (SKL). 

Kvikmyndaleikstjórum gefst kostur á að sækja um greiðslur úr IHM-sjóði ár hvert, óháð félagsaðild. Félagsmenn veita SKL alfarið umboð til að innheimta IHM-greiðslur og er félagsmönnum því ekki  heimilt að sækja greiðslur úr IHM sjóði í gegnum önnur innlend fagfélög vegna leikstjórnar.  Meðlimum SKL er hins vegar heimilt að sækja um úthlutun úr IHM sjóðum annarra fagfélöga vegna annarra starfa en leikstjórnar, t.d. fyrir handritaskrif, framleiðslu o.s.frv.

Umsóknareyðublað er aðgengilegt á heimasíðu samtakanna, icelandicfilmdirectors.is. SKL auglýsir úthlutun á heimasíðu samtakanna og í tölvupósti til félagsmanna.

Stjórn SKL fer yfir umsóknir og áskilur sér rétt til að meta vafaatriði.

Leikstjórar sem sækja um greiðslur úr IHM sjóði fá að lágmarki greiddan einn (1) hlut fyrir hverja leikna kvikmynd eða heimildamynd í fullri lengd sem þeir hafa leikstýrt. Um er að ræða eins konar „tilvistargjald“ hvers verks.

Einnig er greitt gjald fyrir stuttmyndir hafi þær sannarlega verið sýndar á amk þremur viðurkenndum alþjóðlegum hátíðum.

Að auki er greitt fyrir sýningu á kvikmyndum, heimildarmyndum, sjónvarpsseríum og stuttmyndum í sjónvarpi eða VOD á úthlutunarári. Greiðsla til leikstjóra er í formi eingreiðslu og er ekki greitt fyrir endurteknar sýningar á úthlutunarári. Fyrirkomulag greiðslna vegna sýningar í sjónvarpi eða VOD er sem hér segir:

• 1 1 hlutur er greiddur fyrir sýningu á kvikmynd, heimildarmynd og sjónvarpsseríu í sjónvarpi eða VOD  á umsóknarári.
• 2 hlutar eru greiddir fyrir sýningu á sjónvarpsseríu sem er 181 min eða lengri. 
• 1/3 hlutur er greiddur fyrir sýningu á stuttmynd í flokki A (1-30 min) á umsóknarári.
• 2/3 hlutur er greiddur fyrir sýningu á stuttmynd í flokki B (31-59 min) á úthlutunarári.

SKÝRINGARDÆMI

VOD:

Sigga sigrar heiminn

1 hlutur

SAMTALS

9 1/3 hlutar

Ef fleiri en einn leikstjóri eru á verki er mikilvægt að með umsókn fylgi nákvæm verkaskipting sem hlutfall af 100%.

Verðgildi hlutar er ráðstöfunarfé IHM sjóðs (að frádregnum umsýslukostnaði) deilt með fjölda umsókna.

Á aðalfundi SKL, 3.júní 2020, var samþykkt að ráðstöfunarfé IHM sjóðs yrði  úthlutað í hlutföllunum 50/50 milli tilvistargjalda annars vegar og sýningar í sjónvarpi og VOD hins vegar. Sú ákvörðun gildir þar til kosið er um annað á aðalfundi.

Félagsgjald/ársgjald, að upphæð 25.000 kr. er dregið frá úthlutun til umsækjenda, nema óskað sé eftir öðru fyrirkomulagi á innheimtu.

Kostnaður SKL vegna umsýslu og úthlutunar greiðslna skal greiddur af óskiptu framlagi IHM til SKL. Umsýslukostnaður skal þó aldrei vera hærri en sem nemur 25% af heildargreiðslum IHM til SKL í samræmi við 4. gr. úthlutunarstefnu SKL.

Greiðslum sem ekki er unnt að koma til hlutaðeigandi rétthafa eru geymdar í 5 ár, en renna að þeim tíma loknum inn í IHM sjóð.